Здружение за Естетска Медицина

Ве покануваме да се придружите на ова здружение и активно да придонесете, преку различни нивоа на членство, за развојот на естетската и анти-age медицина во Македонија

5ти Интернационален SESIAM Конгрес

На ден 13.02.2021 год во кругот на Медицински Факултет Скопје се состанаа неколку ентузијасти специјалисти кои работат во областа на етсетската медицина (естетската хирургија и естетска дерматологија) со идеја да се основа здружение кое ќе ги штити интересите на овие специјалисти, како и безбедноста на пациентите.

Врз основа на законот за здруженија и фондации (Службен весник на Република Северна Македонија бр.52/10, 135/11,55/16) се донесе статутот и решението за формирање на Здружението за Естетска Медицина -ЗЕМ Скопје. Членовите од основачкото собрание се во ставка Основачки Одбор кој всушност е и Управен, а За прв Претседател е именуван Науч.сораб. Д-р Игор Пеев, а за секретар на здружението Д-р Анџелка Илиева.

Здружението за Естетска Медицина е доброволна невладина граѓанска организација која има својство на правно лице кое ги обединува сите активности на членовите, органите и телата во интерес на остварување на своите права со статутарно уредување и чијашто работа е јавна.

Ве покануваме да се придружите на ова здружение и активно да придонесете преку различни нивоа на членство за да придонесете за развојот на естетската и анти-аge медицина во Maкедонија.

Мисија

Да станеме лидери во областа на едукација и иновации во естетската и анти-age медицина. Да дејствуваме врз менталното и физичко здравје на луѓето преку најквалитетно образование и едукации. ЗЕМ ќе ги поврзе заинтересираните колеги со цел понатамошно образование, размена на искуства, развој и унапредување во професијата. Организирање бројни симпозиуми во соработка со меѓународни организации поврзани со медицинската професија кои се занимаваат со естетика, медицина со посебен интерес за нехируршка и минимално инвазивна естетика на лицето и телото, како и развојот на медицинската професија и здравствената заштита воопшто.

Ве покануваме да се придружите на ова здружение и активно да придонесете преку различни нивоа на членство за да придонесете за развојот на естетската и анти-аge медицина во Maкедонија.

Визија

Една од нашите главни визии е имплементирање на квалитетна здравствена услуга од доменот на естетиката од страна на квалификуван стручен кадар - дипломирани лекари кои практикуваат во јасно пропишани здравствени установи.

Вмрежување на сите лекари кои работат со оваа област со цел поддршка и полесно решавање на евентуланите компликации.

Што е Anti-Age медицина?

Во медицински процедури од областа на естетската и anti-age медицина спаѓаат:

Техники за надополнување на волуменот на кожата, поткожа и слузница со цел отстранување или ублажување на знаците на стареење (инјекции на дермални филери)
Примена на ботулин токсин за ублажување и корекција на брчки
Минимално инванзивни техники за лифтинг на лице – лифтинг со конци
Регенеративна медицина-примена на ПРП метода (плазма богата со тромбоцити- Platelet rich plasma)
Мезотерапија
Хемиски пилинг
Колаген индукциона терапија – дермоабразија и microneedling – кој продира низ stratum corneum или 0.2мм околу нос и очи, 0.5мм на остатокот н алицето и вратот и 1мм на остатокот на телото
Карбокситерапија

Електромагнетни зрачења: неаблативно фракционо подмладување на кожата, аблативно фракционо подмладување, третмани со IPL (интензивна пулсирачка светлина), фотодинамичка терапија, радиофрекфенција, уреди со инфрацрвени зраци и други уреди за третмани на подмладување и затегнување на кожата, ласери и други извори на еквивалентни енергии
Високо фреквентни и радиофреквентни ултразвучни и други третмани засновани на енергија која ја затоплува кожата над 42® С степени
Третмани со помош на LED светла (светлечки диоди или еквивалентни електромагнетни извори над 500мW/cm2) за поѕребите на биомодулација
Фокусиран ултразвук

Горенаведените медицински процедури потребно е да се извршуваат само во здравствени установи од приватна или јавна служба од страна на едуцирани лекари.

Овие процедури НЕ треба да се изведуваат во козметички салони и други простори, кои не се регистрирани како здравствена установа, без разлика што процедурата ја изведува лекар, стоматолог или друг здравствен работник.

Што е Естетска Хирургија?

Естетската хирургија е оперативна гранка од пластичната хирургија која се бави со корекција на естетски недостатоци и аномалии, разубавување како и подмладување на човековото лице и тело. Оваа гранка на хирургија е дел од anti-age медицината кој има и цел да го подобри изгледот на лицето и телото за да му се даде помлад и посвеж изглед.

Процедурите кои се опфатени во естетската хирургија вклучуваат операции на лице:

Корекција на нос (ринопластика) или нос и септум (риносептопластика)
Корекција на очи – затегнување на горни и долни очни капаци (блефаропластика), видоизменување на фомрата и поставеноста на очните агли и др.
Кoрекција на уста (подигнување на уста, пополнување на уста со сопствено масно ткиво или друго ткиво)
Затегнување на лице (face- lifting)
Корекции на вилици и други лицеви структури
Пополнување на лицето (липофилинг , fat-transfer)
Липосукција на лице и подбрадок и др.

Операции на Гради

Операции на Тело

Сите процедури од областа на хирургијата треба да се извршуваат во операциона сала во строго контролирани стерилни, асептични услови и извршени од страна на квалификуван пластичен хирург.